ЯҢАЛЫКЛАР


17
гыйнвар 2020 ел.
җомга

Бүген Татарстан Республикасы Президенты Рөстәм Миңнеханов "Камаз-мастер" командасын "Дакар-2020" халыкара раллиенда җиңүләре белән котлады.

Рөстәм Миңнеханов шулай ук "КАМАЗ" ГАҖ генераль директоры Сергей Когогин һәм "КАМАЗ-мастер" командасы җитәкчесе Владимир Чагинны җиңү белән котлады. 

"Чын күңелдән барыгызны да "Дакар-2020" халыкара раллиенда искиткеч җиңүегез белән котлыйм, - диелгән телеграммада. - Сез Согуд Гарәбстаны чүлен җиңдегез - бу сезнең профессиональ осталыгыгызның яңа үре, Россия һәм "КАМАЗ" ГАҖнең чираттагы казанышы. Сезнең искиткеч җиңүегез шулай ук туган республикагызга ТАССР 100 еллыгына матур бүләк була".

2019 елда Татарстанда Казанның 15 сәүдә мәйданчыгында һәм Чаллының 2 сәүдә мәйданчыгында, «Яңа Тура» технополисында һәм Зеленодольск районының Осиново бистәсендә 21 ярминкә көне оештырылган. Чаралар 30 марттан 27 апрельгә кадәр һәм 14 сентябрьдән 28 декабрьгә кадәр узган. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы авыл хуҗалыгы һәм азык-төлек министрының беренче урынбасары Наил Залаков хәбәр итте.

Киңәшмәне барлык муниципаль районнар белән видеоконференция режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

2020 елга Татарстан Республикасында торак төзелеше программасы 2 млн. 979 мең квадрат метр күләмендә формалаштырылган. Бүгенгә 52 мең квадрат метр торак эксплуатациягә тапшырылган. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык муниципаль районнар белән видеоконференция режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Бүген Татарстан Республикасы Президенты Рөстәм Миңнеханов Архив эше буенча Татарстан Республикасы дәүләт комитеты коллегиясенең киңәйтелгән утырышында катнашты. Утырышның төп темасы "Хәзерге заманда Татарстан Республикасы Архив фондын формалаштыру" булды. 

Чара "Корстон" кунакханә комплексы мәйданында узды. Холлда махсус күргәзмә әзерләнгән иде. 

Бүген Татарстан Республикасы Президенты Рөстәм Миңнеханов Федераль мәгариф һәм фән өлкәсендә күзәтчелек хезмәте җитәкчесе Сергей Кравцов белән очрашты.

Бүген Казан Кремлендә Татарстан Республикасы Президенты Рөстәм Миңнеханов "Зенит-Казан" һәм "Динамо-Казан" волейбол командалары коллективлары белән очрашты.


15
гыйнвар 2020 ел.
чәршәмбе

Россия Хөкүмәте  һәрвакыт ил мәнфәгатьләрендә, төбәкләр мәнфәгатьләрендә эшләде. Бүген бу хакта Татарстан Республикасы Президенты Рөстәм Миңнеханов Мәскәүгә эш сәфәре кысаларында массакүләм мәгълүмат чаралары вәкилләре белән әңгәмәсендә хәбәр итте. Искәртәбез, бүген Дмитрий Медведев Министрлар Кабинетының отставкасы турында игълан итте.

Капитал кертүне яклау һәм хуплау турындагы закон проекты икътисадка инвестицияләрне җәлеп итүдә ярдәм итәчәк. Бу хакта бүген Татарстан Республикасы Президенты Рөстәм Миңнеханов XI Гайдар форумы кырларында хәбәр итте. 

Бүген Мәскәүдә XI Гайдар форумы кысаларында РФ Хөкүмәте Рәисе урынбасары вазифаларын башкаручы Виталий Мутконың берничш Россия регионы җитәкчеләре белән очрашуы узды. Очрашуда Татарстан Республикасы Президенты Рөстәм Миңнеханов катнашты. 

Бүген Татарстан Республикасы Президенты Рөстәм Миңнеханов Россия Инновацион төбәкләре ассоциациясе (АИРР) Советы әгъзаларының еллык гомуми җыелышын уздырды. Җыелыш Мәскәүдә XI Гайдар форумы киңлекләрендә узды. 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования