Рөстәм Миңнеханов ABC.ru маркетплейска нигез салучы Алексей Банников Татарстанда уртак проектларны гамәлгә ашыру турында фикер алыштылар

22 май 2020 ел., җомга

Татарстан Республикасы Президенты Рөстәм Миңнеханов ABC.ru маркетплейска нигез салучы, аның инвесторы Алексей Банников белән очрашты.

Очрашу дистанцион видеоконференция режимында узды.

«Маркетплейс» ҖЧҖ, дистрибьюторлык челтәрен кулланып, республика җитештерүчеләре продукциясен алга сөрү мәсьәләләре турында фикер алыштылар. Моннан тыш, Алексей Банников «Зеленодольск» сәнәгать мәйданчыгы территориясендә логистик үзәк төзү инвестицион проектын гамәлгә ашыру белән кызыксынды.

Рөстәм Миңнеханов билгеләп үткәнчә, бүген интернет-сәүдә үсә һәм югары потенциалга ия. Аның фикеренчә, республикада әлеге юнәлешне үстерү өчен уңайлы шартлар тудыра.

Татарстанда сезнең белән уртак проектны гамәлгә ашыру теләге зур, диде Рөстәм Миңнеханов, ABC.ru маркетплейска нигез салучыга мөрәҗәгать итеп.

Алексей Банников хәбәр иткәнчә, компаниягә 2005 елда нигез салынган. Без – бу юнәлештә беренче компанияләрнең берсе, диде ул, үсеш концепциясе шундый, без түбән бәяләрдән сәүдә итәбез.

Алексей Банников хәбәр иткәнчә, «Зеленодольск» сәнәгать мәйданчыгы территориясендә логистик үзәк төзү инвестицион проекты безнең өчен кызыклы.  

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования